சிலுவை மரணமும் முதல் உயிர்த்தெழுதலும்…

(உயிர்தெழுதல் நாள் தேவ செய்தி)

ஏப்ரல் 2022 (New year Message - April 2022)

தேவ செய்தி: சகோ.J.இம்மானுவேல் ஜீவகுமார்

​

கிறிஸ்துவுக்குள் பிரியமானவர்களே,

ஆண்டவராகிய இயேசு கிறிஸ்துவின் சிலுவை மரணத்தையும், அவருடைய உயிர்த்தெழுதலையும் பரிசுத்த வேதத்தின் மூலமாக நாம் தியானித்துக் கொண்டிருக்கிற இந்த நாட்களில் இன்னுமொரு பரிசுத்த வேத சத்தியத்தை நாம் இந்த தேவசெய்தியின் வழியாக அறிந்து கொள்ள இருக்கிறோம். சகல சத்தியத்திற்குள்ளும் நம்மை நடத்துகிற சத்திய ஆவியானவர் தாமே நமக்கு உதவி செய்வாராக, ஆமென்.

முதலாவதாக ஆண்டவராகிய இயேசு கிறிஸ்துவின் சிலுவை மரணம் நம்மை எப்படி சுத்திகரிக்கிறது என்றும், இரண்டாவதாக கர்த்தராகிய இயேசு கிறிஸ்து தம்முடைய உயிர்த்தெழுதலினால் நம்மை எப்படி உயிர்த்தெழச் செய்கிறார் என்றும், மூன்றாவதாக நம்முடைய உயிர்த்தெழுதலை குறித்த நம்முடைய நோக்கம் என்னவாக இருக்க வேண்டும் என்றும், பரிசுத்த வேத வசனங்களின் உதவியோடு சற்று தியானித்து அறிந்து கொள்வோம்.

பரிசுத்த வேதத்தில் நாம் அறிந்திருக்கிறபடி ஆண்டவர் இயேசு கிறிஸ்துவின் இரத்தம் (1 யோவான் 1:7), பரிசுத்த ஆவியானவர் (2 தெசலோனிக்கேயர் 2:13,1 கொரிந்தியர் 6:11), கர்த்தருடைய பரிசுத்த அக்கினி (ஏசாயா 6:6-7) மற்றும் அவருடைய உபதேசமாகிய பரிசுத்த வேத வசனங்கள் (யோவான் 17:17) ஆகியவற்றின் மூலமாக நம்முடைய சகல பாவங்கள், அக்கிரமங்கள், மீறுதல்கள் யாவும் நீக்கி நாம் சுத்திகரிக்கப்படுகிறோம். ஒரு ஆச்சரியமான வேத சத்தியமாக ஆண்டவர் இயேசு கிறிஸ்துவின் சிலுவை மரணமும் நம்மை சுத்திகரிக்கிறது என்பதையும், இதற்காக ஆண்டவராகிய இயேசு கிறிஸ்து தம்மைத் தாமே சிலுவை மரணத்திற்கு ஒப்புக்கொடுத்தார் என்பதையும் இன்று நாம் அறிந்து கொள்ளப் போகிறோம்.

(தீத்து 2:14) அவர் நம்மைச் சகல அக்கிரமங்களினின்று மீட்டுக்கொண்டு, தமக்குரிய சொந்த ஜனங்களாகவும், நற்கிரியைகளைச் செய்யப் பக்திவைராக்கியமுள்ளவர்களாகவும் நம்மைச் சுத்திகரிக்கும்படி, நமக்காகத் தம்மைத்தாமே ஒப்புக்கொடுத்தார்.

மேற்கண்ட பரிசுத்த வேத வசனத்தின்படி, நம்மை சுத்திகரிப்பதற்காக ஆண்டவராகிய இயேசு கிறிஸ்து சிலுவையிலே தம்மைத் தாமே நமக்காக ஒப்புக்கொடுத்தார். அவருடைய சிலுவை மரணத்தின் வழியாக நாம் எப்படி சுத்திகரிக்கப்படுகிறோம்?

1) கிறிஸ்து இயேசுவின் சிலுவை மரணமும் நம்முடைய சுத்திகரிப்பும்:

நம்மை சுத்திகரிப்பதற்கு முன்பாக நம்முடைய சகல அக்கிரமங்களிலிருந்தும் நம்மை மீட்டுக் கொள்ளுகிறார். மீட்பு (Redeem) என்கிற இந்த வார்த்தையின் அர்த்தம் நமக்காக அவர் ஒரு விலைக்கிரயத்தை கொடுத்து நம்மை மீட்டுக் கொள்கிறார். அந்த விலைக்கிரயம் அவருடைய இரத்தமே. பரிசுத்த இயேசுகிறிஸ்துவினுடைய பாவமில்லாத இரத்தமே. இப்படி அவர் நம்மை மீட்டுக் கொண்ட பின்பு, முதலாவது நம்மை அவருக்கு சொந்தமான ஜனங்களாக இருக்கும்படி சுத்திகரிக்கிறார். இரண்டாவதாக நற்கிரியைகளை செய்ய நாம் பக்தி வைராக்கியம் உள்ளவர்களாக இருக்கும்படி நம்மை சுத்திகரிக்கிறார். அவருடைய சுத்திகரிப்பிற்கு பிறகு என்ன நடக்கிறது என்பதை சற்று விளக்கமாக காண்போம்.

அப்படியானால், தமக்குரிய சொந்த ஜனங்களை குறித்து தேவனாகிய கர்த்தர் பரிசுத்த வேதத்தில் என்ன சொல்லியிருக்கிறார்? தம்முடைய சொந்த ஜனங்களிடத்தில் அவர் என்ன எதிர்பார்க்கிறார்? கீழ்க்கண்ட பரிசுத்த வேத வசனங்கள் நமக்கு அதை விளக்கிச் சொல்கிறது:

(யாத்திராகமம் 19:5) இப்பொழுது நீங்கள் என் வாக்கை உள்ளபடி கேட்டு, என் உடன்படிக்கையைக் கைக்கொள்வீர்களானால், சகல ஜனங்களிலும் நீங்களே எனக்குச் சொந்த சம்பத்தாயிருப்பீர்கள்; பூமியெல்லாம் என்னுடையது.

(உபாகமம் 7:6) நீ உன் தேவனாகிய கர்த்தருக்குப் பரிசுத்த ஜனம், பூச்சக்கரத்திலுள்ள எல்லா ஜனங்களிலும் உன் தேவனாகிய கர்த்தர் உன்னைத் தமக்குச் சொந்தமாயிருக்கும்படி தெரிந்துகொண்டார்.

(உபாகமம் 14:2) நீங்கள் உங்கள் தேவனாகிய கர்த்தருக்குப் பரிசுத்தமான ஜனங்கள்; பூமியின்மீதெங்குமுள்ள எல்லா ஜனங்களிலும் உங்களையே கர்த்தர் தமக்குச் சொந்த ஜனங்களாயிருக்கத் தெரிந்துகொண்டார்.

(உபாகமம் 26:18-19) கர்த்தரும் உனக்கு வாக்குக்கொடுத்து உனக்குச் சொல்லியிருக்கிறபடி: நீ என்னுடைய கட்டளைகளையெல்லாம் கைக்கொண்டால், எனக்குச் சொந்த ஜனமாயிருப்பாய் என்றும், (19) நான் உண்டுபண்ணின எல்லா ஜாதிகளைப்பார்க்கிலும், புகழ்ச்சியிலும் கீர்த்தியிலும் மகிமையிலும் உன்னைச் சிறந்திருக்கும்படி செய்வேன் என்றும், நான் சொன்னபடியே, நீ உன் தேவனாகிய கர்த்தரான எனக்குப் பரிசுத்த ஜனமாயிருப்பாய் என்றும், அவர் இன்று உனக்குச் சொல்லுகிறார் ....

(ஏசாயா 43:21) இந்த ஜனத்தை எனக்கென்று ஏற்படுத்தினேன்; இவர்கள் என் துதியைச் சொல்லிவருவார்கள்.

தேவனாகிய கர்த்தருடைய பரிசுத்த வேதத்தின்படி நடந்து, அவருடைய கற்பனைகளைக் கைக்கொண்டு பரிசுத்தமும், நீதியும் நிறைந்த ஒரு வாழ்க்கை வாழ்வதே அவருடைய சொந்த ஜனங்களாக நம்முடைய தலையாய கடமை. இந்தக் கடமையை அனுதினமும் நிறைவேற்றி நம்முடைய கர்த்தராகிய இயேசு கிறிஸ்துவின் இருதயத்தை மகிழ்விப்போம். அவருக்குரிய சொந்த ஜனங்களாய் மகிழ்வோம்.

(பிரசங்கி 12:13) காரியத்தின் கடைத்தொகையைக் கேட்போமாக, தேவனுக்குப் பயந்து, அவர் கற்பனைகளைக் கைக்கொள்; எல்லா மனுஷர்மேலும் விழுந்த கடமை இதுவே.

(உபாகமம் 10:12-13) இப்பொழுதும் இஸ்ரவேலே, நீ உன் தேவனாகிய கர்த்தருக்குப் பயந்து, அவர் வழிகளிலெல்லாம் நடந்து, அவரிடத்தில் அன்புகூர்ந்து, உன் முழு இருதயத்தோடும் உன் முழு ஆத்துமாவோடும் உன் தேவனாகிய கர்த்தரைச் சேவித்து, (13) நான் இன்று உனக்குக் கற்பிக்கிற கர்த்தருடைய கற்பனைகளையும் அவருடைய கட்டளைகளையும் உனக்கு நன்மையுண்டாகும்படி கைக்கொள்ளவேண்டும் என்பதையே அல்லாமல், வேறே எதை உன் தேவனாகிய கர்த்தர் உன்னிடத்தில் கேட்கிறார்.

அடுத்ததாக, தேவனுக்கேற்ற பக்தி வைராக்கியத்தோடு நீதியாகிய, கனிகளாகிய நற்கிரியைகளை செய்வதைப்பற்றி சற்று தியானிப்போம்.

(எபேசியர் 2:10) ஏனெனில், நற்கிரியைகளைச் செய்கிறதற்கு நாம் கிறிஸ்து இயேசுவுக்குள் சிருஷ்டிக்கப்பட்டு, தேவனுடைய செய்கையாயிருக்கிறோம்; அவைகளில் நாம் நடக்கும்படி அவர் முன்னதாக அவைகளை ஆயத்தம்பண்ணியிருக்கிறார்.

(மத்தேயு 5:16) இவ்விதமாய், மனுஷர் உங்கள் நற்கிரியைகளைக் கண்டு, பரலோகத்திலிருக்கிற உங்கள் பிதாவை மகிமைப்படுத்தும்படி, உங்கள் வெளிச்சம் அவர்கள் முன்பாகப் பிரகாசிக்கக்கடவது.

(1 பேதுரு 2:12) புறஜாதிகள் உங்களை அக்கிரமக்காரரென்று விரோதமாய்ப் பேசும் விஷயத்தில், அவர்கள் உங்கள் நற்கிரியைகளைக் கண்டு, அவற்றினிமித்தம் சந்திப்பின் நாளிலே தேவனை மகிமைப்படுத்தும்படி நீங்கள் அவர்களுக்குள்ளே நல்நடக்கையுள்ளவர்களாய் நடந்துகொள்ளுங்கள் என்று உங்களுக்குப் புத்திசொல்லுகிறேன்.

(ரோமர் 2:7) சோர்ந்துபோகாமல் நற்கிரியைகளைச் செய்து, மகிமையையும் கனத்தையும் அழியாமையையும் தேடுகிறவர்களுக்கு நித்தியஜீவனை அளிப்பார்.

(பிலிப்பியர் 1:5,6) உங்களில் நற்கிரியையைத் தொடங்கினவர் அதை இயேசுகிறிஸ்துவின் நாள்பரியந்தம் முடிய நடத்திவருவாரென்று நம்பி, (6) நான் உங்களை நினைக்கிறபொழுதெல்லாம் என் தேவனை ஸ்தோத்திரிக்கிறேன்.

(2 தெசலோனிக்கேயர் 2:17) உங்கள் இருதயங்களைத் தேற்றி, எல்லா நல்வசனத்திலும் நற்கிரியையிலும் உங்களை ஸ்திரப்படுத்துவாராக.

(கொலோசெயர் 1:10) சகலவித நற்கிரியைகளுமாகிய கனிகளைத் தந்து, தேவனை அறிகிற அறிவில் விருத்தியடைந்து, கர்த்தருக்குப் பிரியமுண்டாக அவருக்குப் பாத்திரராய் நடந்துகொள்ளவும்...

(தீத்து 3:8) இந்த வார்த்தை உண்மையுள்ளது; தேவனிடத்தில் விசுவாசமானவர்கள் நற்கிரியைகளைச் செய்ய ஜாக்கிரதையாயிருக்கும்படி நீ இவைகளைக்குறித்துத் திட்டமாய்ப் போதிக்கவேண்டுமென்று விரும்புகிறேன்; இவைகளே நன்மையும் மனுஷருக்குப் பிரயோஜனமுமானவைகள்.

2) கிறிஸ்து இயேசு தம்முடைய உயிர்த்தெழுதலினால் நம்மையும் உயிர்த்தெழச் செய்கிறார், இரட்சிக்கிறார்:

மரித்தோர் உயிர்த்தெழுதலில் முதற்பலனான கர்த்தராகிய இயேசு கிறிஸ்து தாம் உயிர்த்தெழுந்து உலக மக்கள் அனைவருக்கும் தம்முடைய ஒளியை வெளிப்படுத்துகிறார் என்று பரிசுத்த வேதம் நமக்கு போதிக்கிறது:

(அப்போஸ்தலர் 26:23) ... மரித்தோர் உயிர்த்தெழுதலில் அவர் முதல்வராகி, சுய ஜனங்களுக்கும் அந்நிய ஜனங்களுக்கும் ஒளியை வெளிப்படுத்துகிறவரென்றும்...

மட்டுமல்ல, பரிசுத்த வேதம் சொல்கிறது:

(யோவான் 1:4) அவருக்குள் ஜீவன் இருந்தது, அந்த ஜீவன் மனுஷருக்கு ஒளியாயிருந்தது.

உயிர்த்தெழுந்த ஆண்டவராகிய இயேசு கிறிஸ்து மனுக்குலம் முழுவதற்கும் வெளிப்படுத்திய அவருடைய ஒளி என்பது உண்மையில் அவருடைய ஜீவன். அது ஆண்டவர் இயேசு கிறிஸ்துவின் ஜீவன். அந்த ஜீவன் மனுஷருக்கு ஒளியாய் இருக்கிறது. எனவேதான் ஆண்டவராகிய இயேசு கிறிஸ்து சொல்லுகிறார்:

(யோவான் 11:25) இயேசு அவளை நோக்கி: நானே உயிர்த்தெழுதலும் ஜீவனுமாயிருக்கிறேன், என்னை விசுவாசிக்கிறவன் மரித்தாலும் பிழைப்பான்;

மட்டுமல்ல, நம்முடைய இரட்சிப்பின் பாதையில் நாம் நிறைவேற்ற வேண்டிய நீதியாகிய ஞானஸ்நானத்தின் மூலம் அவருடைய சிலுவை மரணத்தின் சாயலிலும், உயிர்த்தெழுதலின் சாயலிலும் நாம் இணைக்கப்பட்டிருக்கிறோம். இதை நமக்கு விளக்கிச் சொல்லும் பரிசுத்த வேத வசனங்களில் சிலவற்றை கீழே காண்போம்:

(1 பேதுரு 3:21) அதற்கு ஒப்பனையான ஞானஸ்நானமானது, மாம்ச அழுக்கை நீக்குதலாயிராமல், தேவனைப்பற்றும் நல்மனச்சாட்சியின் உடன்படிக்கையாயிருந்து, இப்பொழுது நம்மையும் இயேசுகிறிஸ்துவினுடைய உயிர்த்தெழுதலினால் இரட்சிக்கிறது;

(ரோமர் 6:4,5) மேலும் பிதாவின் மகிமையினாலே கிறிஸ்து மரித்தோரிலிருந்து எழுப்பப்பட்டதுபோல, நாமும் புதிதான ஜீவனுள்ளவர்களாய் நடந்துகொள்ளும்படிக்கு, அவருடைய மரணத்திற்குள்ளாக்கும் ஞானஸ்நானத்தினாலே கிறிஸ்துவுடனேகூட அடக்கம்பண்ணப்பட்டோம். (5) ஆதலால் அவருடைய மரணத்தின் சாயலில் நாம் இணைக்கப்பட்டவர்களானால், அவர் உயிர்த்தெழுதலின் சாயலிலும் இணைக்கப்பட்டிருப்போம்.

(கொலோசெயர் 2:12) ஞானஸ்நானத்திலே அவரோடேகூட அடக்கம்பண்ணப்பட்டவர்களாகவும், அதிலே அவரை மரித்தோரிலிருந்தெழுப்பின தேவனுடைய செயலின்மேலுள்ள விசுவாசத்தினாலே அவரோடேகூட எழுந்தவர்களாகவும் இருக்கிறீர்கள்.

3. நம்முடைய உயிர்த்தெழுதலை குறித்து நமக்கு இருக்க வேண்டிய நோக்கம், வாஞ்சை என்ன? வேண்டுதல் என்ன?

ஒவ்வொரு நாளும் கடந்து செல்ல செல்ல, நம் கர்த்தராகிய இயேசு கிறிஸ்து மேகங்கள் மேல் வருகிற அவருடைய ரகசிய வருகையை நாம் நெருங்கிக் கொண்டே இருக்கிறோம். ஒருவேளை, மரணம் முந்திக் கொண்டாலும் அல்லது கர்த்தருடைய ரகசிய வருகையை எதிர்கொள்வதாக இருந்தாலும், அதுவரை நம் வாழ்வின் ஒரே நோக்கமும் வாஞ்சையும் என்பது கர்த்தராகிய இயேசு கிறிஸ்துவோடு எடுத்துக்கொள்ளப்பட்டு அவருடைய ராஜ்யம், அதாவது பரலோக ராஜ்யம் சென்று சேர்வது மட்டுமே. இதற்கு ஆயத்தமாவதே இனி நமக்கு மீதமுள்ள வாழ்நாளெல்லாம் நம் ஒரே நோக்கம்.

(1 தெசலோனிக்கேயர் 4:15-17) கர்த்தருடைய வார்த்தையை முன்னிட்டு நாங்கள் உங்களுக்குச் சொல்லுகிறதாவது: கர்த்தருடைய வருகைமட்டும் உயிரோடிருக்கும் நாம் நித்திரையடைந்தவர்களுக்கு முந்திக்கொள்வதில்லை. (16) ஏனெனில், கர்த்தர் தாமே ஆரவாரத்தோடும், பிரதான தூதனுடைய சத்தத்தோடும், தேவ எக்காளத்தோடும் வானத்திலிருந்து இறங்கிவருவார்; அப்பொழுது கிறிஸ்துவுக்குள் மரித்தவர்கள் முதலாவது எழுந்திருப்பார்கள். (17) பின்பு உயிரோடிருக்கும் நாமும் கர்த்தருக்கு எதிர்கொண்டுபோக, மேகங்கள்மேல் அவர்களோடேகூட ஆகாயத்தில் எடுத்துக்கொள்ளப்பட்டு, இவ்விதமாய் எப்பொழுதும் கர்த்தருடனேகூட இருப்போம்.

நம் கர்த்தராகிய இயேசு கிறிஸ்துவின் இரகசிய வருகையில் அவரோடு நாம் எடுத்துக் கொள்ளப்படுகிற பாக்கியத்தின் பலனை தேவனாகிய கர்த்தர் பரிசுத்த வேதத்தில் நமக்கு அதை முன்னறிவித்து உறுதிப்படுத்தி இருக்கிறார். கீழ்க்கண்ட பரிசுத்த வேதவசனங்கள் அதை நமக்கு விளக்குகிறது:

(வெளிப்படுத்தின விசேஷம் 20:4-6) அன்றியும், நான் சிங்காசனங்களைக் கண்டேன்; அவைகளின்மேல் உட்கார்ந்தார்கள்; நியாயத்தீர்ப்புக் கொடுக்கும்படி அவர்களுக்கு அதிகாரம் அளிக்கப்பட்டது. இயேசுவைப்பற்றிய சாட்சியினிமித்தமும் தேவனுடைய வசனத்தினிமித்தமும் சிரச்சேதம்பண்ணப்பட்டவர்களுடைய ஆத்துமாக்களையும், மிருகத்தையாவது அதின் சொரூபத்தையாவது வணங்காமலும் தங்கள் நெற்றியிலும் தங்கள் கையிலும் அதின் முத்திரையைத் தரித்துக்கொள்ளாமலும் இருந்தவர்களையும் கண்டேன். அவர்கள் உயிர்த்துக் கிறிஸ்துவுடனேகூட ஆயிரம் வருஷம் அரசாண்டார்கள். (5) மரணமடைந்த மற்றவர்கள் அந்த ஆயிரம் வருஷம் முடியுமளவும் உயிரடையவில்லை. இதுவே முதலாம் உயிர்த்தெழுதல். (6) முதலாம் உயிர்த்தெழுதலுக்குப் பங்குள்ளவன் பாக்கியவானும் பரிசுத்தவானுமாயிருக்கிறான்; இவர்கள்மேல் இரண்டாம் மரணத்திற்கு அதிகாரமில்லை; இவர்கள் தேவனுக்கும் கிறிஸ்துவுக்கும் முன்பாக ஆசாரியராயிருந்து, அவரோடேகூட ஆயிரம் வருஷம் அரசாளுவார்கள்.

(1 கொரிந்தியர் 15:23) அவனவன் தன்தன் வரிசையிலே உயிர்ப்பிக்கப்படுவான், முதற்பலனானவர் கிறிஸ்து; பின்பு அவர் வருகையில் அவருடையவர்கள் உயிர்ப்பிக்கப்படுவார்கள்.

நம்முடைய ஆண்டவராகிய இயேசு கிறிஸ்து சிலுவையில் நமக்காக பாடுபட்டு, நாம் அவரை விரும்பத்தக்க ரூபமும் அவருக்கு இல்லாமல் போகும் அளவுக்கு நமக்காக அடிக்கப்பட்டு, நொறுக்கப்பட்டு தம்முடைய ஜீவனையும் சிலுவையில் நமக்காக தந்த அவருடைய அன்பை, பிதாவாகிய தேவன் தம்முடைய ஒரேபேரான சொந்த குமாரன் என்றும் பாராமல் நமக்காக சிலுவையில் இயேசுவை கிறிஸ்துவை ஒப்புக்கொடுத்த அன்பை நினைத்து, அவருடைய கற்பனைகளைக் கைக்கொண்டு அவரில் அன்பு கூர்ந்து, ஒவ்வொரு நாளும் கர்த்தருடைய இரகசிய வருகைக்கு ஆயத்தமாவோம்.

(வெளிப்படுத்தின விசேஷம் 22:11) ...நீதியுள்ளவன் இன்னும் நீதிசெய்யட்டும்; பரிசுத்தமுள்ளவன் இன்னும் பரிசுத்தமாகட்டும்.

 அப்பொழுது நாம் நம்பிக்கையோடு, விசுவாசத்தோடு அறிக்கை செய்யலாம்:

(ரோமர் 8:35-39) உமதுநிமித்தம் எந்நேரமும் கொல்லப்படுகிறோம், அடிக்கப்படும் ஆடுகளைப்போல எண்ணப்படுகிறோம் என்று எழுதியிருக்கிறபடி நேரிட்டாலும், (36) கிறிஸ்துவின் அன்பைவிட்டு நம்மைப் பிரிப்பவன் யார்? உபத்திரவமோ, வியாகுலமோ, துன்பமோ, பசியோ, நிர்வாணமோ, நாசமோசமோ, பட்டயமோ? (37) இவையெல்லாவற்றிலேயும் நாம் நம்மில் அன்புகூருகிறவராலே முற்றும் ஜெயங்கொள்ளுகிறவர்களாயிருக்கிறோமே. (38) மரணமானாலும், ஜீவனானாலும், தேவதூதர்களானாலும், அதிகாரங்களானாலும், வல்லமைகளானாலும், நிகழ்காரியங்களானாலும், வருங்காரியங்களானாலும், (39) உயர்வானாலும், தாழ்வானாலும், வேறெந்தச் சிருஷ்டியானாலும் நம்முடைய கர்த்தராகிய கிறிஸ்து இயேசுவிலுள்ள தேவனுடைய அன்பைவிட்டு நம்மைப் பிரிக்கமாட்டாதென்று நிச்சயித்திருக்கிறேன்.

நம் இரட்சிப்பின் அதிபதி கர்த்தராகிய இயேசு கிறிஸ்து உங்களை ஆசீர்வதிப்பாராக. 

நம்முடைய தேற்றரவாளன் பரிசுத்த ஆவியானவருக்கு நன்றி செலுத்தி நம்முடைய கர்த்தராகிய இயேசு கிறிஸ்துவின் மூலமாய் பிதாவாகிய தேவரீர் ஒருவருக்கே சகல துதி, கனம், மகிமை யாவும் செலுத்துகிறேன், ஆமென்.

தேவ நீதியை குறித்து  விரிவாக இங்கே நீங்கள் அறிந்து கொள்ளலாம்.

எந்த ஜனத்திலாயினும்…

(புத்தாண்டு தேவ செய்தி - 2022)

ஜனவரி 2022 (New year Message - January 2022)

தேவ செய்தி: சகோ.J.இம்மானுவேல் ஜீவகுமார்

​

கிறிஸ்துவுக்குள் பிரியமானவர்களே,

எல்லாருக்கும் கர்த்தராயிருக்கிற உலக ரட்சகராம் இயேசுகிறிஸ்துவைக் கொண்டு சமாதானத்தைச் சுவிசேஷமாய்க் கூறின பிதாவாகிய தேவனுக்கு சகல மகிமையும் செலுத்தி இனிய புத்தாண்டு 2022 அன்பின் வாழ்த்துகளை தெரிவித்துக் கொள்கிறேன்.

(அப்போஸ்தலர் 10:34-35) அப்பொழுது பேதுரு பேசத்தொடங்கி: தேவன் பட்சபாதமுள்ளவரல்ல என்றும், எந்த ஜனத்திலாயினும் அவருக்குப் பயந்திருந்து நீதியைச் செய்கிறவன் எவனோ அவனே அவருக்கு உகந்தவன் என்றும் நிச்சயமாய் அறிந்திருக்கிறேன்.

தேவ கிருபையினால் இந்த புத்தாண்டு பரிசுத்த வேத தியானமாக மேற்கண்ட பரிசுத்த வேத வசனத்தை நாம் சற்றே தியானித்து சத்தியத்தை அறிந்து கொள்வோம். அது நம்முடைய ஆவிக்குரிய வாழ்க்கையில் கர்த்தராகிய இயேசு கிறிஸ்துவின் இரண்டாம் வருகைக்கு ஆயத்தமாக நமக்கு உதவி செய்யும். பரிசுத்த ஆவியானவர் நமக்கு உதவி செய்வாராக. ஆமென்.

தாம் படைத்த மனிதர்களிடத்தில் எந்த பாரபட்சமும் இல்லாத நம் தேவனாகிய கர்த்தர், தம் ஈடு இணையில்லாத அன்பினால் அனைவரையும் நேசிக்கும் கர்த்தர், எந்த ஜனத்திலும் தமக்கு  யார் உகந்தவர்கள் (who is accepted with him)  என்பதையே மேற்கண்ட பரிசுத்த வேத வசனத்தின் மூலம் நமக்கு விளக்கி சொல்கிறார். அதாவது, கர்த்தராகிய இயேசு கிறிஸ்துவை அறியாதவர்களாக இருந்தாலும்,  அவரை அறிந்து கொள்ளும்படி உண்மையான வாஞ்சையோடு தேடுகிற, அவருக்கு பயந்து தெய்வ பயத்தோடு வாழ விரும்புகிற, யாருக்கும் தீங்கு செய்யாமல் தன்னால் ஆன மட்டும் மற்றவர்களுக்கு நன்மை செய்து வாழுகிற ஒவ்வொருவரும் தேவனுக்கு, கர்த்தராகிய இயேசு கிறிஸ்துவுக்கு உகந்தவர்கள் என்பதை நாம் அறிந்து கொள்வோம். ஆண்டவருக்கு நன்றி செலுத்துவோம்.

மேற்கண்ட பரிசுத்த வேத வசனத்தில், கர்த்தராகிய இயேசு கிறிஸ்து எதிர்பார்க்கிற இரண்டு காரியங்களை குறித்து முதலாவது நாம் அறிந்து கொண்டு, அதன் பிறகு அவருக்கு உகந்தவர்கள் என்ற நிலையிலிருந்து இன்னும் மேலான உறவின் நிலையாகிய தேவனுடைய  பிள்ளைகளாக நாம் என்ன செய்ய வேண்டும் என்பதையும் அறிந்து கொள்வோம்.

1] தேவனுக்கு பயந்திருந்து:

அடிப்படையில் தீமையை வெறுத்து அதை விட்டு விலகுவதே கர்த்தருக்கு பயப்படும் பயம் என்று பரிசுத்த வேதம் நமக்கு போதிக்கிறது. மட்டுமல்லாமல், இது தேவ கட்டளையுமாகும். எனவே இதைக் குறித்து கீழ்க்கண்ட பரிசுத்த வேத வசனங்களின் உதவியோடு சற்றே அறிந்து கொள்வோம்.

(நீதிமொழிகள் 8:13) தீமையை வெறுப்பதே கர்த்தருக்குப் பயப்படும் பயம்; ...

(நீதிமொழிகள் 3:7) ... கர்த்தருக்குப் பயந்து, தீமையை விட்டு விலகு.

(நீதிமொழிகள் 14:2) நிதானமாய் நடக்கிறவன் கர்த்தருக்குப் பயப்படுகிறான்; தன் வழிகளில் தாறுமாறானவனோ அவரை அலட்சியம்பண்ணுகிறான்.

(நீதிமொழிகள் 16:6) கிருபையினாலும் சத்தியத்தினாலும் பாவம் நிவிர்த்தியாகும்; கர்த்தருக்குப் பயப்படுகிறதினால் மனுஷர் தீமையை விட்டு விலகுவார்கள்.

(சங்கீதம் 34:9) கர்த்தருடைய பரிசுத்தவான்களே, அவருக்குப் பயந்திருங்கள்; அவருக்குப் பயந்தவர்களுக்குக் குறைவில்லை.

 (சங்கீதம் 19:9) கர்த்தருக்குப் பயப்படுகிற பயம் சுத்தமும், என்றைக்கும் நிலைக்கிறதுமாயிருக்கிறது; ...

(நீதிமொழிகள் 28:14) எப்பொழுதும் பயந்திருக்கிறவன் பாக்கியவான்; தன் இருதயத்தைக் கடினப்படுத்துகிறவனோ தீங்கில் விழுவான்.

எல்லாத் தீமைகளையும் தொடர்ந்து செய்து கொண்டே, நான் கர்த்தருக்கு பயப்படுபவன் என்று சொல்லிக்கொள்வது என்பது பரிசுத்த வேதம் போதிக்கும் உபதேசம்  அல்ல, மாறாக நம்மை நாமே ஏமாற்றிக் கொள்ளும் மனுஷனின் சொந்த போதனை.

(ஏசாயா 29:13) இந்த ஜனங்கள் தங்கள் வாயினால் என்னிடத்தில் சேர்ந்து, தங்கள் உதடுகளினால் என்னைக் கனம்பண்ணுகிறார்கள்; அவர்கள் இருதயமோ எனக்குத் தூரமாய் விலகியிருக்கிறது; அவர்கள் எனக்குப் பயப்படுகிற பயம் மனுஷராலே போதிக்கப்பட்ட கற்பனையாயிருக்கிறது.

 கர்த்தருக்கு பயந்து நடப்பதின் மேன்மைகள்:

(நீதிமொழிகள் 1:7) கர்த்தருக்குப் பயப்படுதலே ஞானத்தின் ஆரம்பம்; மூடர் ஞானத்தையும் போதகத்தையும் அசட்டைபண்ணுகிறார்கள்.

(நீதிமொழிகள் 10:27) கர்த்தருக்குப் பயப்படுதல் ஆயுசுநாட்களைப் பெருகப்பண்ணும்; துன்மார்க்கருடைய வருஷங்களோ குறுகிப்போம்.

(நீதிமொழிகள் 14:26) கர்த்தருக்குப் பயப்படுகிறவனுக்குத் திடநம்பிக்கை உண்டு; அவன் பிள்ளைகளுக்கும் அடைக்கலம் கிடைக்கும்.

(நீதிமொழிகள் 14:27) கர்த்தருக்குப் பயப்படுதல் ஜீவஊற்று; அதினால் மரணக்கண்ணிகளுக்குத் தப்பலாம்.

(நீதிமொழிகள் 15:33) கர்த்தருக்குப் பயப்படுதல் ஞானத்தைப் போதிக்கும்; மேன்மைக்கு முன்னானது தாழ்மை.

(நீதிமொழிகள் 19:23) கர்த்தருக்குப் பயப்படுதல் ஜீவனுக்கேதுவானது; அதை அடைந்தவன் திருப்தியடைந்து நிலைத்திருப்பான்; தீமை அவனை அணுகாது.

(நீதிமொழிகள் 22:4) தாழ்மைக்கும் கர்த்தருக்குப் பயப்படுதலுக்கும் வரும் பலன் ஐசுவரியமும் மகிமையும் ஜீவனுமாம்.

 2] நீதியை செய்வது:

  நம்முடைய பிரதானமான நீதியின் கிரியை, கீழ்க்கண்ட பரிசுத்த வேத வசனத்தின்படி நம்முடைய விசுவாசம்.

(ரோமர் 4:5) ஒருவன் கிரியை செய்யாமல் பாவியை நீதிமானாக்குகிறவரிடத்தில் விசுவாசம் வைக்கிறவனாயிருந்தால், அவனுடைய விசுவாசமே அவனுக்கு நீதியாக எண்ணப்படும்.

சுவிசேஷத்தினால் வெளிப்படுத்தப்பட்ட தேவ நீதியை விசுவாசித்து கிருபையினால் நாம் நீதிமான்களாக்கப்படுவது  ஒருபுறம் (ரோமர் 1:17, 3:22, 3:24). பரிசுத்த வேத கட்டளைகளை, நியாயங்களை கைக்கொண்டு நற்கிரியைகளை செய்து நீதியாய் நடப்பது அல்லது நீதியை செய்வது என்பது மற்றொருபுறம். சுருக்கமாக சொல்வதானால், நாம் நீதிமான்களாக்கப்படுதல் ஒருபுறம், நாம் நீதியை நடப்பிப்பது மற்றொரு புறம்.

எனவே, தேவ நீதியை விசுவாசிப்பதினால் - அதாவது கிறிஸ்து இயேசுவை விசுவாசிப்பதினால்  கிருபையைக் கொண்டு நாம்  தேவனால் நீதிமான்களாக்கப்படுகிறோம். அதன் பிறகு பரிசுத்த வேத கட்டளைகளை கைக்கொண்டு நீதியை நடப்பிக்கிறோம்.  இந்த இரண்டையும் நாம் செய்ய வேண்டியது மிக அவசியம். ஒரு நாணயத்தின் இரண்டு பக்கங்களை போல, பரிசுத்த வேதம் போதிக்கும் நீதியின் இரண்டு பக்கங்கள் இவை.

கிறிஸ்து இயேசு சிலுவையில்  உலக மனிதர்கள் யாவருக்காகவும் செய்து முடித்த எல்லாவற்றையும் எனக்காக  அவர் செய்து முடித்தார் என விசுவாசிக்கும் ஒவ்வொருவருக்கும் அது  நீதியாகவே எண்ணப்படும் என்று பரிசுத்த வேதம் நம்மை உற்சாகப்படுத்துகிறது.

(ரோமர் 4:3) வேதவாக்கியம் என்ன சொல்லுகிறது? ஆபிரகாம் தேவனை விசுவாசித்தான், அது அவனுக்கு நீதியாக எண்ணப்பட்டது என்று சொல்லுகிறது.

(ரோமர் 4:5) ஒருவன் கிரியை செய்யாமல் பாவியை நீதிமானாக்குகிறவரிடத்தில் விசுவாசம் வைக்கிறவனாயிருந்தால், அவனுடைய விசுவாசமே அவனுக்கு நீதியாக எண்ணப்படும்.

(ரோமர் 4:23) அது அவனுக்கு நீதியாக எண்ணப்பட்டதென்பது, அவனுக்காக மாத்திரமல்ல, நமக்காகவும் எழுதப்பட்டிருக்கிறது.

நாம் நீதியை, நீதியின் கிரியைகளை செய்வதை குறித்து இன்னும் சற்று அறிந்து கொள்வோம்.  நீதி என்பது தேவனாகிய கர்த்தர் அருளிய பரிசுத்த வேதத்தில் அவர் நமக்கு போதித்து சொல்லியிருக்கிறவைகளை, அதாவது  அவருடைய கட்டளைகள் (statutes), அவருடைய கற்பனைகள் (commandments),  அவருடைய நியாயங்கள் (judgements), அவருடைய சாட்சிகள் (testimonies) அடங்கிய அவருடைய பரிசுத்த வேதத்தை  கைக்கொண்டு நற்கிரியைகளை செய்வதும், நிறைவேற்றுவதுமே ஆகும். எளிமையாக சொல்வதானால், பரிசுத்த வேதம் மற்றும் பரிசுத்த ஆவியானவருக்கு முன்பாக நீங்கள் நின்று உங்களை சோதித்து பார்க்கும் போது உங்களை குற்றவாளியாக்காத செயல்களை செய்வது என்பதே நீதியை நடப்பிப்பது அல்லது நீதியை செய்வது ஆகும்.

(சங்கீதம் 19:9) ... கர்த்தருடைய நியாயங்கள் உண்மையும், அவைகள் அனைத்தும் நீதியுமாயிருக்கிறது.

(சங்கீதம் 119:138) நீர் கட்டளையிட்ட சாட்சிகள் நீதியும், மகா உண்மையுமானவைகள்.

(சங்கீதம் 23:3) அவர் என் ஆத்துமாவைத் தேற்றி, தம்முடைய நாமத்தினிமித்தம் என்னை நீதியின் பாதைகளில் நடத்துகிறார்.

(1 யோவான் 2:29) அவர் நீதியுள்ளவராயிருக்கிறாரென்று உங்களுக்குத் தெரிந்திருப்பதினால், நீதியைச் செய்கிறவனெவனும் அவரில் பிறந்தவனென்று அறிந்திருக்கிறீர்கள்.

(1 யோவான் 3:7) பிள்ளைகளே, நீங்கள் ஒருவராலும் வஞ்சிக்கப்படாதிருங்கள்; நீதியைச் செய்கிறவன் அவர் நீதியுள்ளவராயிருக்கிறதுபோலத் தானும் நீதியுள்ளவனாயிருக்கிறான்.

(1 யோவான் 3:10) இதினாலே தேவனுடைய பிள்ளைகள் இன்னாரென்றும், பிசாசின் பிள்ளைகள் இன்னாரென்றும் வெளிப்படும்; நீதியைச் செய்யாமலும் தன் சகோதரனில் அன்புகூராமலும் இருக்கிற எவனும் தேவனால் உண்டானவனல்ல.

(சங்கீதம் 106:3) நியாயத்தைக் கைக்கொள்ளுகிறவர்களும், எக்காலத்திலும் நீதியைச்செய்கிறவர்களும் பாக்கியவான்கள்.

(லூக்கா 1:6) அவர்கள் இருவரும் கர்த்தரிட்ட சகல கற்பனைகளின்படியேயும் நியமங்களின்படியேயும் குற்றமற்றவர்களாய் நடந்து, தேவனுக்கு முன்பாக நீதியுள்ளவர்களாயிருந்தார்கள்.

(எசேக்கியல் 18:5-9) என் கட்டளைகளின்படி நடந்து, என் நியாயங்களைக் கைக்கொண்டு, உண்மையாயிருப்பானாகில் அவனே நீதிமான்; அவன் பிழைக்கவே பிழைப்பான் என்று கர்த்தராகிய ஆண்டவர் சொல்லுகிறார்.

நீதியான கிரியைகளுக்கு ஓரிரு உதாரணங்களையும் பரிசுத்த வேதத்திலிருந்து காண்போம்.

(சங்கீதம் 112:9) வாரியிறைத்தான், ஏழைகளுக்குக் கொடுத்தான், அவனுடைய நீதி என்றென்றைக்கும் நிற்கும்; அவன் கொம்பு மகிமையாய் உயர்த்தப்படும்.

(சங்கீதம் 82:3-4) ஏழைக்கும் திக்கற்ற பிள்ளைக்கும் நியாயஞ்செய்து, சிறுமைப்பட்டவனுக்கும் திக்கற்றவனுக்கும் நீதி செய்யுங்கள். பலவீனனையும் எளியவனையும் விடுவித்து, துன்மார்க்கரின் கைக்கு அவர்களைத் தப்புவியுங்கள்.

(மத்தேயு 3:14-15) யோவான் அவருக்குத் தடை செய்து: நான் உம்மாலே ஞானஸ்நானம் பெறவேண்டியதாயிருக்க, நீர் என்னிடத்தில் வரலாமா என்றான். இயேசு அவனுக்குப் பிரதியுத்தரமாக: இப்பொழுது இடங்கொடு, இப்படி எல்லா நீதியையும் நிறைவேற்றுவது நமக்கு ஏற்றதாயிருக்கிறது என்றார். அப்பொழுது அவருக்கு இடங்கொடுத்தான்.

(1 பேதுரு 3:14) நீதியினிமித்தமாக நீங்கள் பாடுபட்டால் பாக்கியவான்களாயிருப்பீர்கள்; ...

(யாக்கோபு 3:18) நீதியாகிய கனியானது சமாதானத்தை நடப்பிக்கிறவர்களாலே சமாதானத்திலே விதைக்கப்படுகிறது.

இப்படி தேவனுக்கு உகந்தவர்களாக வாழும் நிலையிலிருந்து இன்னும் மேலான நிலையில் தேவனோடு உறவாடுகிற அவருடைய பிள்ளைகளாக, தேவனுடைய பிள்ளைகளாக வேண்டும் என்பதே நம் கர்த்தராகிய இயேசு கிறிஸ்துவின் இதய விருப்பம், தேவ சித்தம்.

கர்த்தர் நமக்கு போதித்திருக்கிறபடி தேவனுடைய பிள்ளைகளாக நாம் செய்ய வேண்டியவைகள்:

3] இரட்சிப்பின் அனுபவம்

பழைய பாவ வாழ்க்கைக்கு மனம் வருந்தி, மனந்திருந்தி, பிதாவாகிய தேவனுடைய ஒரே பேரான, சொந்த குமாரன், நேச குமாரன் நம் கர்த்தராகிய இயேசு கிறிஸ்துவை முழு மனதோடு விசுவாசித்து, நம் ஆவி, ஆன்மா மற்றும் உடல் என நம்மை முற்றிலும் அவர் கரங்களில் ஒப்புக்கொடுத்து, இந்த வினாடி வரை நாம் செய்த சகல பாவங்களும் நமக்கு மன்னிக்கப்பட பாவ மன்னிப்பை அவரிடத்தில் வேண்டி, அவர் இரத்தத்தினால் நாம் முற்றிலும்  சுத்திகரிக்கப்பட வேண்டிக்கொண்டு அவரை நம் இருதயத்தில் நம் சொந்த இரட்சகராக, மீட்பராக, நம் ஒரே மெய் தெய்வமாக ஏற்றுக்கொள்கிற இரட்சிப்பின் அனுபவம். இதை தேவனிடத்தில் வாஞ்சித்து கேட்போம்.

(அப்போஸ்தலர் 10:43) அவரை விசுவாசிக்கிறவன் எவனோ அவன் அவருடைய நாமத்தினாலே பாவமன்னிப்பைப் பெறுவானென்று தீர்க்கதரிசிகளெல்லாரும் அவரைக்குறித்தே சாட்சிகொடுக்கிறார்கள் என்றான்.

(அப்போஸ்தலர் 4:12) அவராலேயன்றி வேறொருவராலும் இரட்சிப்பு இல்லை; நாம் இரட்சிக்கப்படும்படிக்கு வானத்தின் கீழெங்கும், மனுஷர்களுக்குள்ளே அவருடைய நாமமேயல்லாமல் வேறொரு நாமம் கட்டளையிடப்படவும் இல்லை என்றான்.

(யோவான் 1:12) அவருடைய நாமத்தின்மேல் விசுவாசமுள்ளவர்களாய் அவரை ஏற்றுக்கொண்டவர்கள் எத்தனைபேர்களோ, அத்தனைபேர்களும் தேவனுடைய பிள்ளைகளாகும்படி, அவர்களுக்கு அதிகாரங் கொடுத்தார்.

4] கிறிஸ்துவின் சபையில் சேர்க்கப்படுதல்

கிறிஸ்துவின் சரீரமாகிய அவருடைய சபையில் ஐக்கியம் கொள்வது.

(மத்தேயு 16:18)...இந்தக் கல்லின்மேல் என் சபையைக் கட்டுவேன்; பாதாளத்தின் வாசல்கள் அதை மேற்கொள்வதில்லை.

(அப்போஸ்தலர் 2:41,42) அவனுடைய வார்த்தையைச் சந்தோஷமாய் ஏற்றுக்கொண்டவர்கள் ஞானஸ்நானம் பெற்றார்கள். அன்றையத்தினம் ஏறக்குறைய மூவாயிரம்பேர் சேர்த்துக்கொள்ளப்பட்டார்கள். (42) அவர்கள் அப்போஸ்தலருடைய உபதேசத்திலும், அந்நியோந்நியத்திலும், அப்பம் பிட்குதலிலும், ஜெபம்பண்ணுதலிலும் உறுதியாய்த் தரித்திருந்தார்கள்.

(எபிரெயர் 10:25) சபை கூடிவருதலைச் சிலர் விட்டுவிடுகிறதுபோல நாமும் விட்டுவிடாமல், ஒருவருக்கொருவர் புத்திசொல்லக்கடவோம்; நாளானது சமீபித்துவருகிறதை எவ்வளவாய்ப் பார்க்கிறீர்களோ அவ்வளவாய்ப் புத்திசொல்லவேண்டும்.

5] ஞானஸ்நானம்

தேவனைப்பற்றும் நல் மனசாட்சியின் உடன்படிக்கையாகிய ஞானஸ்நானம் பெறுவது.

(1 பேதுரு 3:21) அதற்கு ஒப்பனையான ஞானஸ்நானமானது, மாம்ச அழுக்கை நீக்குதலாயிராமல், தேவனைப்பற்றும் நல்மனச்சாட்சியின் உடன்படிக்கையாயிருந்து, இப்பொழுது நம்மையும் இயேசுகிறிஸ்துவினுடைய உயிர்த்தெழுதலினால் இரட்சிக்கிறது;

(ரோமர் 6:4,5) மேலும் பிதாவின் மகிமையினாலே கிறிஸ்து மரித்தோரிலிருந்து எழுப்பப்பட்டதுபோல, நாமும் புதிதான ஜீவனுள்ளவர்களாய் நடந்துகொள்ளும்படிக்கு, அவருடைய மரணத்திற்குள்ளாக்கும் ஞானஸ்நானத்தினாலே கிறிஸ்துவுடனேகூட அடக்கம்பண்ணப்பட்டோம். (5) ஆதலால் அவருடைய மரணத்தின் சாயலில் நாம் இணைக்கப்பட்டவர்களானால், அவர் உயிர்த்தெழுதலின் சாயலிலும் இணைக்கப்பட்டிருப்போம்.

(கலாத்தியர் 3:27) ஏனெனில், உங்களில் கிறிஸ்துவுக்குள்ளாக ஞானஸ்நானம் பெற்றவர்கள் எத்தனைபேரோ, அத்தனைபேரும் கிறிஸ்துவைத் தரித்துக்கொண்டீர்களே.

6] இயேசு கிறிஸ்துவின் திருவிருந்து

நமக்காக பிட்கப்படுகிற, மெய்யான போஜனமாகிய இயேசு கிறிஸ்துவின்  சரீரம், நமக்காக சிந்தப்படுகிற புது  உடன்படிக்கைக்குரிய, மெய்யான பானமாகிய அவருடைய இரத்தம் என ஆண்டவர் இயேசு கிறிஸ்துவை நினைவுகூர்ந்து அவருடைய பந்தியில் பங்கு பெறுதல்.

(மத்தேயு 26:26-28) அவர்கள் போஜனம்பண்ணுகையில், இயேசு அப்பத்தை எடுத்து, ஆசீர்வதித்து, அதைப் பிட்டு, சீஷர்களுக்குக் கொடுத்து: நீங்கள் வாங்கிப் புசியுங்கள், இது என்னுடைய சரீரமாயிருக்கிறது என்றார். (27) பின்பு, பாத்திரத்தையும் எடுத்து, ஸ்தோத்திரம்பண்ணி, அவர்களுக்குக் கொடுத்து: நீங்கள் எல்லாரும் இதிலே பானம்பண்ணுங்கள்; (28) இது பாவமன்னிப்புண்டாகும்படி அநேகருக்காகச் சிந்தப்படுகிற புது உடன்படிக்கைக்குரிய என்னுடைய இரத்தமாயிருக்கிறது.

(லூக்கா 22:19,20) பின்பு அவர் அப்பத்தை எடுத்து, ஸ்தோத்திரம்பண்ணி, அதைப் பிட்டு, அவர்களுக்குக் கொடுத்து: இது உங்களுக்காகக் கொடுக்கப்படுகிற என்னுடைய சரீரமாயிருக்கிறது; என்னை நினைவுகூரும்படி இதைச் செய்யுங்கள் என்றார். (20) போஜனம்பண்ணினபின்பு அவர் அந்தப்படியே பாத்திரத்தையும் கொடுத்து: இந்தப் பாத்திரம் உங்களுக்காகச் சிந்தப்படுகிற என்னுடைய இரத்தத்தினாலாகிய புதிய உடன்படிக்கையாயிருக்கிறது என்றார்.

7] பரிசுத்தஆவியானவர்

கர்த்தரே ஆவியானவராய் நமக்குள் வந்து என்றும் நம்மோடு வாசம் பண்ணுகிற மெய்யான நிலையாகிய பரிசுத்த ஆவியானவரை நமக்குள் பெற்றுக் கொள்ளுதல்.

(2 கொரிந்தியர் 3:17) கர்த்தரே ஆவியானவர்; கர்த்தருடைய ஆவி எங்கேயோ அங்கே விடுதலையுமுண்டு.

(யோவான் 14:26) என் நாமத்தினாலே பிதா அனுப்பப்போகிற பரிசுத்த ஆவியாகிய தேற்றரவாளனே எல்லாவற்றையும் உங்களுக்குப் போதித்து, நான் உங்களுக்குச் சொன்ன எல்லாவற்றையும் உங்களுக்கு நினைப்பூட்டுவார்.

தேவனுடைய பிள்ளைகள் என்கிற தேவனோடு இருக்கும் இந்த உறவு இந்த உலக வாழ்வோடு மட்டும் முடிந்து போகிற ஒன்றல்ல. இது இந்த உலக வாழ்க்கைக்கு பிறகும் என்றும் நிலைத்து நிற்கும் ஒரு உன்னதமான, ஈடு இணையில்லாத தேவன் நமக்கு அருளும் பாக்கியம். அவர் இருக்கும் பரலோகத்தில் நம்மை கொண்டு சேர்க்கும் தேவனுடைய ஈவு.

(யோவான் 1:12) அவருடைய நாமத்தின்மேல் விசுவாசமுள்ளவர்களாய் அவரை ஏற்றுக்கொண்டவர்கள் எத்தனைபேர்களோ, அத்தனைபேர்களும் தேவனுடைய பிள்ளைகளாகும்படி, அவர்களுக்கு அதிகாரங் கொடுத்தார்.

(1 யோவான் 3:1) நாம் தேவனுடைய பிள்ளைகளென்று அழைக்கப்படுவதினாலே பிதாவானவர் நமக்குப் பாராட்டின அன்பு எவ்வளவு பெரிதென்று பாருங்கள்; உலகம் அவரை அறியாதபடியினாலே நம்மையும் அறியவில்லை.

(எபேசியர் 2:4-8) தேவனோ இரக்கத்தில் ஐசுவரியமுள்ளவராய் நம்மில் அன்புகூர்ந்த தம்முடைய மிகுந்த அன்பினாலே, (5) அக்கிரமங்களில் மரித்தவர்களாயிருந்த நம்மைக் கிறிஸ்துவுடனேகூட உயிர்ப்பித்தார்; கிருபையினாலே இரட்சிக்கப்பட்டீர்கள். (6) கிறிஸ்து இயேசுவுக்குள் அவர் நம்மிடத்தில் வைத்த தயவினாலே, தம்முடைய கிருபையின் மகா மேன்மையான ஐசுவரியத்தை வருங்காலங்களில் விளங்கச்செய்வதற்காக, (7) கிறிஸ்து இயேசுவுக்குள் நம்மை அவரோடேகூட எழுப்பி, உன்னதங்களிலே அவரோடேகூட உட்காரவும் செய்தார்.(8) கிருபையினாலே விசுவாசத்தைக்கொண்டு இரட்சிக்கப்பட்டீர்கள்; இது உங்களால் உண்டானதல்ல, இது தேவனுடைய ஈவு;

இரட்சிப்பின் அதிபதி நம் கர்த்தராகிய இயேசு கிறிஸ்து உங்களை ஆசீர்வதிப்பாராக. 

தேவனுக்கே சகல துதியும் கனமும் மகிமையும் உண்டாவதாக. ஆமென்.

தேவ நீதியை குறித்து  விரிவாக இங்கே நீங்கள் அறிந்து கொள்ளலாம்.

கிருபையும் சத்தியமும்

(கிறிஸ்துமஸ் தேவ செய்தி)

கிறிஸ்துவுக்குள் பிரியமானவர்களே,

நம்முடைய கர்த்தரும், உலக ரட்சகருமாகிய இயேசு கிறிஸ்து முதல் முறை நமக்காக இந்த உலகத்தில் வந்து மனிதனாக பிறந்ததை கொண்டாடுகிற இந்த பண்டிகை காலத்தில் கிறிஸ்து பிறப்பு நன்னாளின் அன்பின் வாழ்த்துகளை சாரோனின் ரோஜா ஊழியங்களின் சார்பாக உங்களுக்கு தெரிவித்துக்கொள்கிறேன். Merry Christmas & Blessed New year 2024 கிறிஸ்து இயேசுவையே கொண்டாடுவோம்! தேவனுக்கே மகிமையை செலுத்துவோம்! ஆமென்.

(யோவான் 1:17) ...கிருபையும் சத்தியமும் இயேசு கிறிஸ்துவின் மூலமாய் உண்டாயின.

மேற்கண்ட பரிசுத்த வேத வசனத்தை குறித்தே இப்பொழுது சற்று தியானிக்கப்போகிறோம்.

கர்த்தராகிய இயேசு கிறிஸ்துவே மனித குலத்திற்கு வெளிப்படுத்தப்பட்ட தேவ கிருபை. உலக இரட்சகராம் கிறிஸ்து இயேசுவின் மூலமாக இந்த தேவ கிருபையை, சத்தியத்தை எந்த வகையில்லெல்லாம் நாம் பெற்று, அனுபவித்து, வாழ்ந்து வருகிறோம்? இவ்வுலக வாழ்க்கைக்கு பிறகான நித்திய ஜீவனை நாம் பெற்றுக்கொள்ளவும் இந்த தேவ கிருபையும், சத்தியமும் நமக்கு என்ன செய்கிறது? இவற்றை முழுவதுமாக இந்த ஒரே செய்தியில் விளக்கி சொல்வது கடினம் என்றாலும், அவற்றில் சிலவற்றை கீழ்க்கண்ட பரிசுத்த வேத வசனங்கள் மூலமாக நாம் விளங்கிக்கொள்ளலாம்.

கிருபையும் சத்தியமும் இயேசு கிறிஸ்து

(நீதிமொழிகள் 16:6) கிருபையினாலும் சத்தியத்தினாலும் பாவம் நிவிர்த்தியாகும்; கர்த்தருக்குப் பயப்படுகிறதினால் மனுஷர் தீமையை விட்டு விலகுவார்கள்.

பரிசுத்த வேதத்தில் ஆண்டவராகிய இயேசு கிறிஸ்து போதித்த அவருடைய போதனைகளிலெல்லாம் கிருபையும் சத்தியமுமாகிய இவ்விரண்டும் இணைந்தே நிறைந்து நிற்பதை நாம் தெளிவாக காணலாம். சத்தியத்தை போதிக்காத, வெறும் கிருபை கிருபை என்று கூச்சலிடுகிற நவீன கால போதனைகள், இரட்சிக்கப்பட்ட பின்பும் எத்தனை பாவம் செய்தாலும், பழைய பாவ வழியிலேயே வாழ்க்கை தொடர்ந்தாலும் அவைகள் ஒன்றுமில்லை, கிருபையினாலே பரலோகம் செல்வோம் என்பது போன்ற போதனைகள்  கிறிஸ்து இயேசுவினுடயதல்ல, சத்தியமுமல்ல. கவனம், அது வஞ்சகம், அதில் விழாதிருப்போமாக. தேவ கிருபையின் மேன்மையை, அவசியத்தை குறித்து போதிக்காமல், சத்தியத்தின் பெயராலே எப்பொழுதும் கடிந்துகொண்டே இருப்பதுமான பார சுமையான, கிருபையை நிராகரிக்கிற கிரியை மட்டுமே போதிக்கிற போதனையும் பரிசுத்த வேதம் போதிக்கும் ஒன்றல்ல.

நாம் செய்த எண்ணற்ற பாவங்கள் மன்னிக்கப்பட தேவ கிருபை, பெற்ற மன்னிப்பை காத்துக்கொண்டு பரிசுத்தமும், தேவ நீதியையே நம்முடைய நீதியாக கொண்டு, நீதியின் கிரியயைகளை செய்து தேவனுக்கு பிரியமான வாழ்க்கையை நாம் வாழ வேத சத்தியம் என இவை (கிருபையும், சத்தியமும்) இரண்டுமே இணைந்து, நிறைந்து நிற்பதே கிறிஸ்தவ வாழ்க்கை. முடிவு பரியந்தம் நிலைத்து நின்று இரட்சிக்கப்பட கிருபையும் சத்தியமும் நமக்கு அருளப்பட்டிருக்கின்றன.

(சங்கீதம் 85:10) கிருபையும் சத்தியமும் ஒன்றையொன்று சந்திக்கும், நீதியும் சமாதானமும் ஒன்றையொன்று முத்தஞ்செய்யும்.

(சங்கீதம் 26:3) உம்முடைய கிருபை என் கண்களுக்கு முன்பாக இருக்கிறது; உம்முடைய சத்தியத்திலே நடந்துகொள்ளுகிறேன்.

தேவனாகிய கர்த்தர் படைத்த முதல் மனுஷனாகிய ஆதாமும், மனுஷியாகிய ஏவாளும் அவருடைய கட்டளையை சாத்தானின் வஞ்சகத்தினால் மீறி செய்த பாவத்தினால், பாவமும் அந்த பாவத்தினால் மரணமும் உலகத்தில் பிரவேசித்தது. மட்டுமல்ல அந்த பாவம், பூமி சபிக்கப்படவும் காரணமாகி, அந்த சாபத்திற்குள்ளனது இந்த உலகம். இதன் விளைவாக  மனிதகுலமும், மனித வாழ்க்கையும் அதாவது உலகம் முழுவதும் சகலவிதமான பாவங்களினாலும், தீங்குகளாளும், சாத்தானின் கிரியைகளாலும் நிறைந்தன. இப்படிப்பட்ட சூழ்நிலைக்குள்ளிருந்து கொண்டு தான் மனித குல பாவம் மன்னிக்கப்பட்டு, இனி பாவம் செய்யாத பரிசுத்த வாழ்வு வாழவும், வேத சத்தியத்தை கைக்கொண்டு நீதிமானாகவும் வாழ வேண்டும். இது அவ்வளவு எளிதானதல்ல என்பதுமட்டுமல்ல, சற்றேறக்குறைய இயலாததும் ஆகும். இதை நம்முடைய ஒரு நாள் வாழ்வை நிதானமாக, கர்த்தருக்கு முன்பாக உண்மையாக நினைத்து பார்த்தாலே நமக்கு தெளிவாக விளங்கும்.

இந்த நிலையில், நமக்கு

• நிபந்தனைகளற்ற இரக்கத்தை, அந்த இரக்கத்தை பெற்றுக்கொள்ள தகுதியற்ற நமக்கு கிருபையாக அருளவும் (Unmerited favour of God is grace)
• அந்த கிருபையினாலே, கிறிஸ்து இயேசுவை பற்றும் விசுவாசத்தினாலே பலிக்கும் தேவ நீதியே நம்முடைய நீதி என்கிற சத்தியத்தை (the ultimate truth) நமக்கு அருளிச்செய்து, அந்த வேத சத்தியம் போதிக்கும் நீதியின் கிரியைகளை இந்த உலக வாழக்கையில் நாம் செய்து வாழ

பிதாவாகிய தேவன் கிருபையையும் சத்தியத்தையும் உலக மக்கள் அனைவருக்கும் இயேசு கிறிஸ்துவின் மூலமாக உண்டாக்கி அருளிச்செய்தார். கிருபையும் சத்தியமும் இயேசு கிறிஸ்துவின் மூலமாய் உண்டாயின. நம்மை பெலப்படுத்துகிற கிறிஸ்து இயேசுவினாலே வேத சத்தியத்தின்படி எல்லாவற்றையும் இந்த உலக வாழ்க்கையில் நாம் செய்து வாழ நமக்கு பெலன் உண்டு. பரிசுத்தமாக வாழவும், கர்த்தர் போதிக்கிற நீதியின் கிரியைகளை செய்யவும் நமக்கு பெலன் உண்டு. அப்படி வாழும் பொழுது, பிதாவாகிய தேவனுக்கு முன்பாக கிறிஸ்து இயேசுவுக்குள் நாம் பரிசுத்தவான்கள், நீதிமான்கள் (1 கொரிந்தியர் 1:31).

கர்த்தராகிய இயேசு கிறிஸ்துவை அறியாத நிலைமையிலிருந்து, அழியாத வித்தாகிய பரிசுத்த வேத வசனத்தினாலே, போதனையினாலே பழைய பாவ வாழ்க்கையிலிருந்து மனந்திரும்பி,  நம் சொந்த ரட்சகராக, மீட்பராக, ஒரே தெய்வமாக கர்த்தராகிய இயேசு கிறிஸ்துவை ஏற்றுக் கொண்டு உண்மையான இரட்சிப்பை பெற்றுக்கொண்ட பின்பும், மேலே சொல்லியிருக்கிற இதே உலகத்தில் தான் நம்முடைய ஆயுளின் காலம் வரை அல்லது கர்த்தருடைய இரண்டாம் வருகை வரை வாழப்போகிறோம். இந்த சூழ்நிலையில், பரிசுத்தமாகவும் தேவ நீதியின்படி வாழவும் நாம் அனுதினமும் முயற்சி செய்து வாழும்போது ஏற்படும் சறுக்கல்கள், தோல்விகள், சோதனைகளிலெல்லாம் நாம் தோற்று விடாமல், தேவ கோபத்திற்கு ஆளாகிவிடாமல், பிரச்சனைகள் நம்மை ஜெயித்து விடாமல்,  பிசாசினால் அழிந்து விடாமல் நம்மை தாங்கி நின்று மீண்டும் நாம் ஜெயம் பெற்று, நம் பரிசுத்த வாழ்வை கிறிஸ்து இயேசுவுக்குள் தொடரச்செய்வது அவர் மூலமாக உண்டான தேவ கிருபை மற்றும் சத்தியம்.

தேவ கிருபை (Grace of God)

(சங்கீதம் 145:17) கர்த்தர் தமது வழிகளிலெல்லாம் நீதியுள்ளவரும், தமது கிரியைகளிலெல்லாம் கிருபையுள்ளவருமாயிருக்கிறார்.

(எபேசியர் 4:7) கிறிஸ்துவினுடைய ஈவின் அளவுக்குத்தக்கதாக நம்மில் அவனவனுக்குக் கிருபை அளிக்கப்பட்டிருக்கிறது.

(லூக்கா 4:22) எல்லாரும் அவருக்கு நற்சாட்சி கொடுத்து, அவருடைய வாயிலிருந்து புறப்பட்ட கிருபையுள்ள வார்த்தைகளைக் குறித்து ஆச்சரியப்பட்டு: இவன் யோசேப்பின் குமாரன் அல்லவா என்றார்கள்.

(யோவான் 1:16) அவருடைய பரிபூரணத்தினால் நாம் எல்லாரும் கிருபையின்மேல் கிருபைபெற்றோம்.

 சத்தியம் – உண்மை, உண்மையின் உச்சம் (the ultimate Truth)

• • • கர்த்தருடைய வார்த்தை, வேதம் சத்தியம். சமூலமும் சத்தியம். சத்திய வசனம் ( சங்கீதம் 119:142, 43, 160)
    • அவருடைய வழிகள் சத்தியம் (வெளிப்படுத்தின விசேஷம் 15:3)
    • அவருடைய செய்கைகள் சத்தியம் (சங்கீதம் 33:4)
    • அவருடைய காரத்தின் கிரியைகள் சத்தியம் (சங்கீதம் 111:7)
    • அவருடைய வசனமே சத்தியம் . (யோவான் 17:17)

நம் கர்த்தராகிய இயேசு கிறிஸ்துவின்

(ரோமர் 5:2) ...மூலமாய் நாம் இந்தக் கிருபையில் பிரவேசிக்கும் சிலாக்கியத்தை விசுவாசத்தினால் பெற்று நிலைகொண்டிருந்து, தேவமகிமையை அடைவோமென்கிற நம்பிக்கையினாலே மேன்மைபாராட்டுகிறோம்.

கர்த்தராகிய இயேசு கிறிஸ்துவின் மூலமாக நாம் பெற்றிருக்கிற கிருபையினாலே, தேவ சத்தியமாகிய

(கொலோசெயர் 3:16) கிறிஸ்துவின் வசனம் உங்களுக்குள்ளே சகல ஞானத்தோடும் பரிபூரணமாக வாசமாயிருப்பதாக;

முடிவுபரியந்தம் இடைவிடாமல் அவருடைய  சத்தியத்தின்படி  செய்ய நம் இருதயத்தை கர்த்தருக்கு ஒப்புக்கொடுப்போம். கர்த்தராகிய இயேசு கிறிஸ்துவின் இரண்டாம் வருகைக்கு ஆயத்தமாயிருப்போம் (மத்தேயு 24:44)

 நம்முடைய கர்த்தராகிய இயேசு கிறிஸ்துவின் மூலமாக பிதாவாகிய தேவனுக்கே மகிமை உண்டாவதாக. ஆமென்.

அன்பின் கிறிஸ்து பிறப்பு நன்னாள் மற்றும் இனிய புத்தாண்டு 2024 நல்வாழ்த்துகள்.

கிறிஸ்து பிறப்பு - பரிசுத்த வேத சத்தியம்

கிறிஸ்துமஸ் தேவ செய்திகள்

தம்முடைய சொந்தக்குமாரனென்றும் பாராமல் நம்மெல்லாருக்காகவும் அவரை ஒப்புக்கொடுத்த பிதாவாகிய தேவனுக்கு மகிமையை செலுத்தி, நன்றி செலுத்தி தம்மைத் தாமே பழுதற்ற பலியாக, கிருபாதர பலியாக பிதாவின் திருவுள சித்தத்துக்கு ஒப்புக்கொடுத்து இந்த பூமிக்கு வந்த உலக இரட்சகராம் நம்முடைய கர்த்தராகிய இயேசு கிறிஸ்துவையே கொண்டாடுவோம். அவருடைய இரண்டாம் வருகைக்கு ஆயத்தப்படுவோம், மற்றவர்களையும் ஆயத்தப்படுத்துவோம். உங்கள் யாவருக்கும் கிறிஸ்து இயேசு பிறப்பு நன்னாள், புத்தாண்டு 2025 அன்பின் வாழ்த்துகள்!

கிருபையும் சத்தியமும்	தேவன் அனுப்பினார்
தேவன் மாம்சத்திலே வெளிப்பட்டார்	தேவ இரட்சணியம்
இயேசு கிறிஸ்து - தேவனுடைய குமாரன்	ஈவாகிய கிறிஸ்து இயேசு

Merry Christmas & Blessed New year 2025